20 Ago A Zona Franca de Vigo internacionaliza a 160 empresas
- A aceleradora Vía Exterior acolle outras 19 empresas nun novo programa
Un total de 19 empresas galegas incorporáronse a ViaExterior, o programa de internacionalización da Zona Franca de Vigo, que celebrou o peche da oitava edición e coas que a aceleradora suma xa 160 compañías ás que impulsado no seu acceso aos mercados foráneos.
O delegado do Estado na Zona Franca, David Regades, asegurou que ViaExterior consolidouse como un motor fundamental na internacionalización das empresas galegas en sectores estratéxicos: «Non é só un curso sobre exportar é un espazo para aprender e colaborar».
Moitas destas empresas xa definiron os seus roteiros de entrada a novos mercados —a través de distribuidores, importadores ou plataformas dixitais— e iniciaron accións concretas como a firma de novos acordos comerciais, a asistencia a feiras internacionais, o contacto con potenciais socios locais ou a mellora das súas canles dixitais e materiais promocionais.
Os destinos máis habituais destas estratexias son países europeos como Alemaña, Francia, Italia, Portugal ou o Reino Unido, xunto con mercados en expansión como Estados Unidos, México, Canadá e Marrocos. Durante o acto de clausura, Rubén García, CEO de Ganaín, compartiu a súa experiencia empresarial e o procesode a súa compañía, que participou en MarExterior, un spin off de ViaExterior orientado a empresas do sector pesqueiro, conserveiro, naval e auxiliar.
As empresas participantes nesta oitava edición foron: Pipa Pirita, Vigo?Club Ciclista Rías Baixas, Zico España, The Graphics Project, Synergy Didactis, Salitre Shop, Gómez e Crespo, Cabomar Conxelados, Diversa Technologies, Connex Europa, Adegas Lodeiros, Anthylis Consulting, 2 Mares, Liña Espazo, Grupró Grupo Inmobiliario, INEQ Industrial Performance, Fishmer e Peruxiñas.
Fuente da noticia: La Voz de Galicia