AS EXPORTACIÓNS ESPAÑOLAS MARCAN MÁXIMOS EN 2017

As exportacións de mercadorías españolas marcaron en 2017 un novo récord ao rexistrar os 277.126 millóns de euros, un crecemento do 8,9% respecto ao ano anterior. Tras un 2016 no que se retardou o comercio exterior, a recuperación da economía europea tira das vendas de bens españolas. Con todo, as importacións tamén crecen a taxas mesmo máis robustas.

O ano pasado disparáronse un 10,5% tocando outro récord histórico: 301.870 millóns de euros. Segundo indica o Ministerio de Economía, “os principais sectores aumentaron as súas exportacións, excepto o automóbil (16,3% do total), cuxas vendas foron similares ás do ano 2016 (crecemento do 0,1%). Así, bens de equipo (que representa un 20,3% do total) subiu un 9,2%; alimentación, bebidas e tabaco (16,5% do total) creceu un 6,3%; produtos químicos (14% do total), un 7,8%; e manufacturas de consumo (10,2% do total), un 9,7%”.